Ministear Eaglais na h-Alba air leisgeul a thoirt dhan a’ choimhearsnachd LCDT aig Fèis-pròise Pheairt
Tha ministear Eaglais na h-Alba air leisgeul a thoirt seachad aig Fèis-pròise Pheairt airson cron sam bith a tha an eaglais air a dhèanamh dhan a’ choimhearsnachd LCDT.
‘S e an t-Urr Scott Burton na chiad mhinistear aig Eaglais na h-Alba a-riamh gus fèis-pròise fhosgladh gu h-oifigeil.
Air thoiseach air an tachartas thuirt Mgr Burton:
“Tha mi air mo dhòigh glan a bhith a’ fosgladh an tachartas seo, ’s e urram iongantach a th’ ann.”
“Bidh mi a’ toirt an cothruim gus leisgeul a thoirt do bhuill dhen choimhearsnachd LCDT ma tha iad air a bhith air an goirteachadh, air an ailiseachadh agus air an diùltadh le Eaglais na h-Alba.”
Cuideachd ann an aithris ris a’ BhBC thuirt e:
“Tha mi a’ smaoineachadh gu bheil an Eaglais a’ fàs nas mothachail gu bheil amannan air a bhith ann nuair a rinn sinn mearachdan a-thaobh na coimhearsnachd LCDT agus bu chòir dhuinn maitheanas iarraidh air a shon agus leisgeul a thoirt seachad air a shon.”
“‘S e sin aon dhe na ceumannan againn – a’ ruighinn a-mach ri ràdh gur e ar bràithrean agus ar peathraichean ann an daonnachd a th’ annaibh. Tha gaol againn oirbh. Tha sinn airson ’s gum bidh fios agaibh gu bheil gaol aig Dia oirbh agus gu bheil sinn airson coiseachd còmhla riut.”
Tha bhidio dhen òraid a rinn e aig an fhèis ri fhaicinn gu h-ìosal:-
• • •
Juice1038 na chiad stèisean rèidio LCDTE ann an Èirinn a Tuath
Tòisichidh Juice1038 a’ craoladh bho phrìomh-bhaile Èirinn a Tuath air 4mh An Lùnastal, an aon latha ri Fèis-pròise Bheul Feirste.
Bidh an sianal a’ cluich measgachadh de fuinn dannsa clasaigeach, ath-mheasgachaidhean agus òrain ùra bho na charts.
Faodar sampall dhen stèisean a chluinntinn an-dràsta air an làrach-lìn aca.
Thuirt neach-labhairt an stèisean ri RadioToday:
“Tha daoine LCDT+ a’ tighinn bho gach raon-beatha agus ’s e an t-amas a th’ againn a bhith a’ frithealadh cho mòr sa choimhearsnachd againn sa ghabhas le bhith a’ cleachdadh stoidhle taisbeanaidh in-ghabhalach measgaichte le susbaint cainnte a tha a’ buntainn dhan luchd-èisteachd againn agus ceòl sònraichte nach eil ri chluinntinn air rèidio Èirinn a Tuath.”
“Cluichidh Juice measgachadh de dhannsa agus dannsa clasaigeach, ath-mheasgachaidhean, singiltean air an taghadh gu cùramach bhon Top 40 agus clasaichean co-sheòrsachd.”
“Bidh ùidh mhòr aig a’ choimhearsnachd LCDT+ anns an susbaint cainnte againn, a bhios a’ toirt a-steach naidheachd LCDT+ agus prògram a bhios a’ soillearachadh agus a’ beachdachadh air na h-amasan, draghan, soirbheachasan agus cùisean a tha a’ toirt buaidh air an luchd-èisteachd againn.”
• • •
Sagart Caitligeach air a chur à dreuchd airson ràdh gun robh fèis-pròise Ghlaschu a’ dèanamh oilbheum do Dhia
Chaidh an sagart Caitligeach Mark Morris a chur à dreuchd le Oilthigh Cailleannach Ghlaschu as dèidh dha ràdh gun robh fèis-pròise Ghlaschu a’ dèanamh oilbheum do Dhia.
Bha mìltean de dhaoine an-làthair aig an cruinneachadh bliadhnail LCDTE sa Ghlaschu Disathairne seo chaidh.
An dèidh an tachartas sgaoil Mgr Morris chuireadh do luchd-paraiste a bhith an-làthair aig sèirbheis urnaigh gus rèiteachadh airson fèis-pròise Ghlaschu a bha air oilbheum a dhèanamh do Dhia.
Bha Mgr Morris an urra ri feuman spioradail nan oileanaich aig an oilthigh, ach thuirt ceannardan an oilthigh nach robh a bheachdan co-chòrdail ri beachdan an oilthigh.
Thuirt Pamela Gillies, Prionnsapal an Oilthigh:
“An dèidh co-chomhairle, cha till Mgr Mark Morris ris a dhreuchd seiplineachd aig an oilthigh san t-Sultain.”
“Obraichidh an t-oilthigh còmhla ri Sgìre-Àrd-Easbaig Ghlaschu gus dèanamh cinnteach gun tèid taic seiplineachd leantainneach a thabhann do luchd-obrach agus oileanaich aig an ionad creideimh againn nuair a thòisicheas an teirm ùr.”
“Tha an t-oilthigh gu math in-ghabhalach agus tha dealas aige do cho-ionnanachd agus iomadachd air a’ champus.”
• • •
Luchd-poileataigs Liberalach air a chàineadh airson bhòt cudromach air Brexit a chaill
Chaidh dithis neach-poileataigs Libearalach a chàineadh Dimàirt as dèidh dhan bhòt cudromach air Brexit a chaill sa Phàirlamaid a’ ciallachadh gun dh’fhuair atharrachaidhean nan Tòraidhean air plana Brexit tron Phàrlamaid le dìreach trì bhòtaichean.
Nam measg chaidh Tim Farron a chàineadh o chionn ’s gun robh a’ dèanamh òraid aig Abaid Sherbourne co-cheangailte ris a’ chonnspaid mu a bheachdan air fèise co-sheòrsach agus Crìosdaidheachd.
A-rèir prògram an tachartais bha Mgr Fallon gu bhith bruidhinn air na h-oidhirpean a rinn na meadhanan gus faighinn a-mach ma tha e dhen bheachd ma tha fèise co-sheòrsach co-chòrdail ri creideis Crìosdail:
“Tim Farron MP made the headlines during the 2017 general election campaign as leader of the Liberal Democrat party, although it was not, in fact, politics that generated the headlines but repeated attempts by the mainstream media to get him to express an opinion on whether gay sex was compatible with Christian faith.
He announced he would step down as party leader following the election, stating that he had become “torn between living as a faithful Christian and serving as a political leader.
Many hold strong opinions on the issue but it raised an even more important question: What happens when my truth is not yours?”
Ged a tha am prògram a’ toirt iomradh follaiseach air fèise co-sheòrsach, thuirt neach-labhairt ri Pink News nach do bhruidhinn Mgr Fallon mu a dheidhinn agus gun do bhruidhinn e air a bheatha mar Chrìostaidh.
Ann an aithris poblach thuirt Mgr Fallon:
“Bha cead agam a bhith air falbh air sgàth ’s dleastanas ro-làimh air falbh bho oighreachd na Pàrlamaid.”
“Aig a cheann thall cha robh duine sam bith an dùil gum biodh am bhòt cho faisg air mar a bha e. Chuir mi dheth an coinneamh na bu tràithe ach chuir mi air dòigh a-rithist e air sgàth ’s gun robh sinn an dùil nach biodh na Làbaraich a’ bhòtadh agus gum biodh an Riaghaltas ga bhuannachadh gu furasta.”
“Gu follaiseach bha mi ceàrr, mar a bha na Làbaraich. Tha mi làn dhleastanas airson mo chuid phàirt. Chan eil na Tòraidhean airidh air fortan sam bith agus tha mi cho dhuilich gun tug mi cuid dhiubh gun fhiosta.”
A bharrachd air Mgr Farron chaidh ceannard a’ phàrtaidh Libearalach Vince Cable a chàineadh airson neo-làthaireachd.
Thuirt neach-labhairt dhan The Independent:
“Bha coinneamh chudromach aig Vince air falbh bho oighreachd na Pàrlamaid, a chaidh a cheadachadh leis na whips fada mus deach na h-atharrachaidhean sin suas airson a ‘bhòt.”
“Chan obraich co-réiteachadh Chequers. Chan obraich e fiù ’s leis na h-atharrachaidhean an-raoir.”
Bha tòrr duine gan càineadh air Twitter.
Nam measg sgrìobh Stephen Kinnock, BP airson Aberavon:
Last night two Brextremist-driven amendments were carried by a whisker – 3 and 4 votes, respectively. 14 Tories rebelled. Tim Farron and Vince Cable (those doughty, fearless crusaders against a hard Brexit) didn’t vote. This was how Tim spent his evening: https://t.co/Iz5dHz9RHL
— Stephen Kinnock (@SKinnock) 17 July 2018
Agus sgrìobh Richard Burgon BP airson Leeds an Ear:
Journalists reporting current Lib Dem Leader Vince Cable and last Lib Dem Leader Tim Farron didn’t vote in one of tonight’s votes in which Tory Government only survived by 3 votes.
Last week they brought a motion to get in to Government with the Tories.#NeverTrustTheLibDems
— Richard Burgon MP (@RichardBurgon) 16 July 2018
Agus sgrìobh an cleachdaiche Twitter @gmai_sutton:
Why was Vince Cable and Tim Fallon not in Westminster to vote yesterday? Only party claiming to support Remain and they don’t turn up for such an important vote! It’s a genuine Q! Can someone from Lib Dems ( who I was prepared to vote for having been life long LP) explain please?
— Heather Rufus (@gmai_sutton) 17 July 2018
• • •
Proud Ness gu bhith a’ cumail sreath de thachartasan LCDTE air feadh na Ghàidhealtachd
Chaidh a dhearbhadh le Fòram LCDTE na Gàidhealtachd an-diugh gun tèid fèis-pròise a chumail ann an Inbhir Nis 6mh An Dàmhair 2018.
Tòisichidh an tachartas le caismeachd tron bhaile gus an ruig e Cùirt an Easbaig far a bhios stanndaichean fhiosrachaidh, ealain & ceàirdean, bùthan-obrach agus luchd-labhairt a’ dèanamh òraidean agus bidh diosgo aig Taigh-òsta Mercure aig deireadh an latha.
A bharrachd air an tachartas ann an Inbhir Nis, thèid sreath de thachartasan nas beaga a chumail air feadh na Gàidhealtachd. Nam measg bidh tachartasan beaga air:
- 11mh An Lùnastal ann an Inbhir Theòrsa;
- 25mh An Lùnastal ann am Port Rìgh;
- 1mh An t-Sultain ann an Ulapul;
- 8mh An t-Sultain anns An Aghaidh Mhòr;
- 15mh An t-Sultain anns An Gearasdan;
‘S e seo a’ chiad tachartas LCDTE air an sgèile seo anns a’ Ghàidhealtachd o chionn 2002 nuair a chum Pride Scotland an tachartas bliadhnail aca taobh a-muigh Meadhan na h-Alba airson a’ chiad turas.
Airson cumail suas leis an naidheachd as ùire bhon sgioba Proud Ness cumaibh sùil air an duilleag Facebook aca.
• • •
Luchd-poileataigs co-sheòrsach airson reifreann eile air Brexit
Tha Justine Greening, BP ag iarraidh reifreann eile air Brexit agus i air ràdh gur e “fudge” a th’ ann am molaidhean a’ Phrìomhaire Theresa May.
Bha a’ Bh-Uas Ghreening air a bhith na Rùnaire an Fhoghlaim o chionn 2016 ach leig i a dreuchd às dèidh don chaibineat ath-shuidheachadh san Fhaoilleach am-bliadhna.
Sgrìobh i anns The Times gu bheil trì roghainnean ann: cùmhnant a’ Phrìomhaire; a’ fuireach san AE; no briseadh bhon AE gun aonta sam bith.
agus tha i dhen bheachd gum bu chòir do reifreann eile a bhith ann gus an tèid co-aontachd a ruighinn.
Tha Michael Cashman na Mhorair Làbarach agus sgrìobh e ann an artaigeil airson GSN (Gay Star News) o chionn ghoirid:
“Tha plana Brexit an Riaghaltais a’ cur còraichean ar coimhearsnachd ann an cunnart agus tha e a’ bagairt a bhith gar sgaradh, ga dhèanamh nas duilghe airson na guthan againn a chluinntinn.”
“Cha do bhòt daoine airson an aonta “shoddy” a tha iad a’ gròbadh ri chèile agus chan e an rud as fheàrr a th’ ann airson ar dùthaich no ar coimhearsnachd.”
“Co-dhiubh ma chur thu taic ris an taobh fàgail no an taobh fuireach, cha do bhòt buill ar coimhearsnachd airson droch Bhrexit a bhiodh a’ tolladh fo ar còraichean daonna”
“Cha ruig Breatainn air droch Bhrexit a bhios a’ tolladh fo ar còraichean a bhuainnich sinn le strì.”
Thuirt neach-labhairt a’ Phrìomhaire Theresa May nach biodh dàrna reifreann air Brexit fo suidheachadh sam bith.
• • •
Nicola Sturgeon na h-Àrd-Mharasgal na Caismeachd aig Fèis-pròise Ghlaschu
Bha Prìomh Mhinistear na h-Alba, Nicola Sturgeon aig ceann na caismeachd aig Fèis-pròise Ghlaschu an-dè.
Air thoiseach air an tachartas, thuirt Ms Sturgeon:
“Tha mi pròiseil gu bheilear a’ beachdachadh air Alba mar aon de na dùthchannan as adhartaiche san Roinn Eòrpa a-thaobh co-ionnanachd LCDTE agus tha Fèis-pròise Ghlaschu na thachartas mìorbhaileach a bheireas coimhearsnachdan còmhla agus a chomharraicheas a h-uile rud gu bheil daoine LCDTE a’ toirt ri beatha Albannach.”
“Mar chomann-sòisealta feumaidh sinn co-ionnanachd agus cothromachd a bhrosnachadh fad na h-ùine agus an adhartais a chaidh a dhèanamh a dhìon.”
“Tha mi toilichte a bhith air ainmeachadh mar a’ chiad Àrd-Mharasgal urramach a-riamh aig Fèis-pròise Ghlaschu agus tha mi a’ coimhead air adhart ri bhith a’ gabhail pàirt anns a’ chaismeachd leis na daoine òga LCDTE gus Bliadhna Òigridh na h-Alba a chomharrachadh.”
Ann an aithris ris na luchd-frithealaidh, thuirt i:
“A dh’aindeoin tachartasan eile a tha a ‘tachairt ann an àiteachan eile ann an Alba an-diugh, tha mi ag innse dhuibh bho bhonn mo chridhe tha mi ag innse dhut cho moiteil’ sa tha mi a bhith an seo an-diugh, chan eil àite ann a bu toigh leam a bhith na seo ann an Glaschu”.
“Tha fios againn gum feum sinn fhathast seasamh airson còraichean tar-ghnèitheach agus an aghaidh gràin-tar-ghnèitheachd agus gràin-co-sheòrsachd agus nì sinn sin.”
“Tha caismeachdan-pròise mu dheidhinn a bhith a’ comharrachadh agus a’ daingneachadh luachan na mo bheachdsa a tha cudromach do mhòran dhaoine air feadh na dùthcha. Luachan mar fhulangas agus spèis agus iomadachd agus gràdh agus tha mi a’ smaoineachadh gur e rud iomchaidh dhomhsa mar Phrìomh Mhinistear a bhith a’ gabhail phàirt anns an latha seo agus tha mi pròiseil a bhith ga dhèanamh.”
Cuideachd mhol i Blair Wilson, duine à Baile Nèill, Siorrachd Rinn Friù an Ear, a sgaoil bhidio air loidhne às dèidh dha ionnsaigh a thoirt air airson a bhith co-sheòrsach:-
“Sa mhadainn, chunnaic mi bhidio a chaidh a phostadh le duine òg air ainmeachadh Blair Wilson, chan eil fhios ’am ma tha e an-seo an-diugh, ach dh’fhuiling Blair ionnsaigh uamhasach, neo-adhbharach, gràineil ri daoine co-sheòrsach o chionn ghoirid”
“Ach an àite a bhith a’ falachadh, bhruidhinn e a-mach agus leig dhomh seo a ràdh; ’s e na prionnsabalan agus na luachan de dh’urram, mhisneachd agus thruas a chaidh a thaisbeanadh leis an duine òg sin a bu chòir a bhith a’ mìneachadh ar dùthcha. Agus mar sin Blair, tha sinn uile a’ seasamh còmhla riut.”
Thuirt Alastair Mac a’ Ghobhainn, Àrd-oifigear Fèis-pròise Ghlaschu:
“Tha sinn air leth toilichte Prìomh Mhinistear Nicola Sturgeon ainmeachadh mar a’ chiad Àrd-Mharasgal urramach aig Fèis-pròise Ghlaschu mar chomharra air an taic a tha i air a bhith a’ toirt ri co-ionnanachd LCDTE o chionn fhada.”
Nuair a bha i na Rùnaire na Slàinte, chuidich Ms Sturgeon le leasachadh co-ionnanachd pòsaidh ann an Alba agus bhon uair sin tha i air a ràdh gur e an latha a dh’aontaich a’ Phàrlamaid ris pòsaidhean co-ionann aon de na h-amannan as pròiseil den ùine aice mar BPA. Mar Phrìomh Mhinistear tha i air co-ionnanachd a ghealltainn do dhaoine tar-ghnèitheach le bhith ag ath-leasachadh Achd Aithneachadh Gnè na h-Alba.
A-rèir luchd-eagrachaidh bha àireamh de chòrr is 12,000 a’ gabhail pàirt anns a’ chaismeachd.
Ghabh Prìomhaire Chanada, Justin Trudeau agus Taoiseach na h-Èireann, Leo Varadkar, pàirt ann an caismeachdan o chionn ghoirid ach b’ e seo a’ chiad turas a-riamh gu bheil ceannard Bhreatannach air caismeachd fhad ’s a bha iad fhathast ann an oifis.
• • •
Riaghaltas na h-Èireann air leisgeul a thoirt do dhaoine co-sheòrsach a chaidh a dhìteadh fo laghan eachdraidheil
Tha Riaghaltas na h-Èireann air leisgeul foirmeil a thoirt do dhaoine co-sheòrsach a chaidh a dhìteadh fo laghan eachdraidheil.
Ann an aithris dha Dáil Éireann thuirt Prìomhaire Leo Varadkar, a tha co-sheòrsach:
“An-diugh ’s e na gaisgich neo-ainmichte a tha mi airson moladh gu làidir, na mìltean de dhaoine neo-ainmichte a chaidh a dhìteadh leis ar sinnsearan.”
“Chan urrainn dhuinn an ana-cheartas a chaidh a dhèanamh orra a cheartachadh, [ach] ‘s urrainn dhuinn a ràdh gu bheil sinn mar comann air ionnsachadh bhon fhulangas aca. Tha na sgeulachdan aca air cuideachadh le bhith gar dèanamh nas fheàrr; tha iad air ar dèanamh nas ceadaiche, nas tuigsiche agus nas daonndaiche.”
Thuirt Charlie Flanagan, Ministear a’ Cheartais agus na Co-ionnannachd dha Seanadh na h-Éireann:
“Tha mi a’ toirt leisgeul gu duine sam bith a dh’fhairich an dochann agus an aonaranachd a chruthaich na laghan sin, agus gu h-àraid dhaibhsan a chaidh a dhìteadh le laghan mar sin.”
“Cha ghabh dad sam bith a ràdh an seo an-diugh a dh’atharraicheas am fulangas agus an leth-bhreith a dh’fhuiling a’ choimhearsnachd co-sheòrsach sna bliadhnaichean ro dhì-eucoireachadh.”
Tha an leisgeul a’ tighinn air thoiseach air cuirm a chomharraicheas 25 bliadhna bhon a chaidh co-sheòrsachd a dhì-eucoireachadh. Thèid an cuirm a chumail ann an Caisteal Bhaile Átha Cliath an ath-sheachdain agus thathar an dùil gum bi còrr is 700 duine an làthair.
• • •
Duine tar-ghnèitheach a’ strì airson a bhith air aithneachadh gu h-oifigeil mar athair a phàiste
Tha duine tar-ghnèitheach anns an Rìoghachd Aonaichte a’ strì airson a bhith air aithneachadh gu h-oifigeil mar athair a phàiste.
Ged a bha gnè an duine air atharrachadh gu h-oifigeil mus do rugadh an leanabh, tha lagh Bhreatainn ag ràdh gum feum an neach a bheireas leanabh a bhith air a chlàradh air an teisteanas breith mar mhàthair.
Tha an duine nach gabh ainmeachadh ag ràdh gu bheil seo a’ briseadh na còirichean aige agus tha e a’ sireadh cead airson teisteanas breith a phàiste atharrachadh gus am bi e clàraichte air mar athair no pàrant seach màthair.
Ma tha an duine soirbheachail bidh an leanabh a’ chiad fhear san dùthaich gun mhàthair laghail agus dh’fhaodadh riaghailtean Bhreatainn air teisteanasan breith atharrachadh gu bràth.
Thèid co-dhùnadh a dhèanamh le Àrd-chùirt Lunnainn san t-Sultain.
• • •
BPA SNP a’ càineadh Bile nan Eucoirean Feise
Tha John Mason BPA air a bhith a’ càineadh lagh ùr a chitheas mathanas a thoirt do dhaoine co-sheòrsach agus dà-sheòrsach a chaidh an dìteadh fo laghan eachdraidheil.
Thèid mathanas a thoirt gu fèin-ghluasadach dhan a h-uile daoine a chaidh a dhìteadh fo na seann laghan co-dhiubh ma tha iad beò no marbh.
Thuirt Mgr Mason: “Chan eil mi cinnteach gu bheil mi ag aontachadh le mathanasan agus leisgeulan.”
“Chan eil mi a’ faicinn gum faod sinn dol mun chuairt a’ toirt mathanasan agus leisgeulan airson a h-uile dad a rinn daoine eile nach eil ag aontachadh ri cleachdaidhean ùra.”
“Am bi na h-Eadailtich a’ toirt leisgeul airson sealbh-ghlacadh nan Ròmanach?”
Mar fhreagairt do Mhgr Mason, thuirt Patrick Harvie, Co-cheannard Pàrtaidh Uaine na h-Alba:
“Càit an tòisicheas le seo? An e an gùth mì-urramach, an gainnead de dh’oidhirp sam bith gus tuigse air argamaidean a’ Bhile seo a shealltainn, no an iomradh air seann-eachdraidh?”
“Chan e seann-eachdraidh a tha seo. ’S e eachdraidh beò a th’ ann.”
“Tha mòran de na daoine air an robh cron a chur air leis an Riaghaltas aca fhèin fhathast beò agus chan eil iad airidh air a bhith air an diùltadh san dòigh seo.”
• • •
Bhidio ùr a’ soilleireachadh an casg a th’ air daoine co-sheòrsach agus dà-sheòrsach bho bhith a’ toirt seachad fala
Tha an iomairtiche airson còirichean LCDTE+, Peter Tatchell, air bhidio a sgaoileadh air YouTube gus an casg a th’ air daoine co-sheòrsach agus dà-sheòrsach bho bhith a’ toirt seachad fala a shoillearachadh.
Anns a’ bhidio, a ghabhas a choimhead gu h-ìosal, tha neach-tèarainteachd taobh a-muigh ionad tabhartais fala a’ cleachdadh inneal “gaydar” gus stad a chur air daoine a’ dol a-steach air sgàth ’s gu bheil an inneal gan aithneachadh mar co-sheòrsach. Tha na tabhairtichean an uairsin a’ faighneachd dhan neach-tèarainteachd carson nach eil daoine co-sheòrsach comasach air fuil a thoirt seachad.
Ann am Breatainn tha casg air daoine bho bhith a’ toirt seachad fala ma tha iad air a bhith ri fèise le duine eile sna trì mìosan roimhe.
Ann an cuid de dhùthchannan eile, a-leithid Èirinn a Tuath, feumaidh tabhairtichean feitheamh fad bliadhna an-dèidh fèise le duine eile.
Ann an còrr ’s 40 dùthaich tha casg air leth air daoine co-sheòrsach agus dà-sheòrsach bho bhith a’ toirt seachad fala.
Thuirt Peter Tatchell ri PhinkNews:
“Dh’fhaodadh gun robh na casgan seo air a bhith ciallach nuair a chaidh an cur an gnìomh anns na 1980an aig àm nuair a bha HIV a’ toirt buaidh mhòr air daoine co-sheòrsach agus dà-sheòrsach san Iar agus nuair nach robh dòighean dearbhaidh HIV cho cinnteach.”
“Ach o chionn fhada, chan eil HIV air a bhith co-cheangailte ri taobhadh-fèise sònraichte sam bith agus tha an sgrùdadh air fuil a chaidh a thoirt seachad a-nis fìor iomlan agus ceart.”
“Tha an t-àm ann airson ionad tabhartais fala air feadh an t-saoghal a bhith a’ dèanamh fòcas air daoine le giùlan-fèise cunnartach aithneachadh agus casg a chur orra an àite a bhith a’ dèanamh barailean gu bheil a h-uile duine co-sheòrsach agus dà-sheòrsach ann an cunnart HIV. Chan eil HIV aig a’ mhòr-chuid de dhaoine co-sheòrsach agus dà-sheòrsach agus cha bhi a-riamh.”
“Tha e gòrach gu bheil casgan gun fheum air daoine co-sheòrsach agus dà-sheòrsach bho bhith a’ toirt seachad fala air feadh uiread de dhùthchannan. Tha cuid de dhaoine a tha ri fèise le daoine eile ann an cunnart HIV. Tha feadhainn eile nach eil. Feumaidh sinn stad a chur air gnàth-ìomhaighean a sparradh air na coimhearsnachdan co-sheòrsach agus dà-sheòrsach agus am putadh chun nan oirean agus tòiseachadh air barrachd fuil a ghlacadh gus barrachd beathannan a shàbhaladh. Feuch leam tòiseachadh air giùlan-fèise agus am fuil fhèin a sgrìonadh seach an taobhadh-fèise.”
• • •
Lìonra ùr stèideachadh gus taic a thoirt ri thidsearan LCDT+
Chaidh lìonra air loidhne ùr stèidheachadh an seachdain seo gus taic a thoirt ri thidsearan LCDT+ san Rìoghachd Aonaichte.
Bidh LGBTed ag obair còmhla ri Ionad Charnegie aig Oilthigh Leeds Beckett agus oilthighean eile gus rannsachadh a cho-roinn mu dheidhinn tighinn a-mach nuair a thathar ag obair ann an sgoiltean agus oilthighean.
Chaidh a stèidheachadh le Daniel Gray, tidsear co-sheòrsach, agus Hannah Jepson, Stiùiriche Measaidh agus Taghaidh aig a’ charthannas foghlaim nàiseanta Ambition School Leadership.
Thàinig Gray a-mach dhan sgoil aige an-uiridh. Thuirt e ri PhinkNews:
”‘S e eadar-theachd tràthail a th’ ann an LGBTed a thogas lìonra de thidsearan agus de stiùirichean LCDT+, a bheireas cumhachd dhaibh a bhith fìrinneach ann an sgoiltean, colaistean agus oilthighean gus taic a thoirt do dh’oileanaich agus a bhith na neach-tagraidh airson follaiseachd LCDT+ a mheudachadh anns an t-siostam foghlaim againn.”
“Nì e fìor atharrachadh do thidsearan agus luchd-stiùiridh gus sgoiltean a dhèanamh nas in-ghabhaltach.”
“Nuair a bha mi san sgoil, rè àm Earrann 28, ged nach robh fios agam gun robh mi co-sheòrsach bha mi air mo thruailleadh anns na dòighean as uabhasach air a shon.”
“Nuair a chaidh mi dha na tidsearan, dh’ innse iad dhomh: ”‘S e rudeigin a dh’fheumas tu dèiligeadh ris.” Chaidh casg a chuir orra bho bhith a’ bruidhinn mu a dheidhinn.”
“Gu mì-fhortanach, tha buaidh Earrann 28 fhathast ann agus tha cuid mhath de thidsearan agus stiùirichean sgoile fhathast ana-cinnteach mar a bu chòir dhaibh dèiligeadh ri cùisean LGBT +, fiù ’s ciamar a bheir iad taic do neach LGBT + san sgoil aca.”
“Tha mi ann an suidheachadh sochairichte an-dràsta far an urrainn dhomh a bhith an comhairliche a bha a dhìth orm mi nuair a bha mi san sgoil.”