Luchd-iomairt LGDTC+ a' dèanamh air Pàrlamaid na h-Alba
Bidh luchd-iomairt a’ caismeachd ann an Dùn Èideann Diluain agus iad ag iarraidh gun dèan luchd-poileataigs barrachd adhartas a dhèanamh còraichean tar-ghnèitheach ath-leasachadh.
Bidh buill Out for Independence, Rainbow Greens, buidheann LGDT+ Pàrtaidh Làbarach na h-Alba agus buidheann Òigridh Pàrtaidh Libearalach Deamocratach na h-Alba nam measg.
Cruinnichidh luchd-iomairt taobh a-muigh Seòmraichean Cathair Dhùn Èideann mus tòisich an caismeachd aig 11m.
• • •
Buidheann feimineach Earra-Ghàidheal a' càineadh tachartas draga Pròis Òbain
Tha buidheann feimineach ann an Earra-Ghàidheal agus Bòd a’ càineadh a’ cho-dhùnaidh gus tachartas “Drag Queen Story Hour” a chumail mar phàirt Pròis Òbain na bliadhna seo.
Tha a’ bhuidheann “Argyll and Bute Scottish Feminists” ag ràdh gu bheil an tachartas, anns a bhios bànrighrean draga a’ leughadh sgeulachdan do chlann, mì-iomchaidh do chlann.
Thuirt iad gu bheil tachartasan draga gu tric feiseil, claon-bhreitheach an-aghaidh boireannaich agus oilbheumach ri mòran agus dh’iarr iad air a’ chomhairle an co-dhùnadh atharrachadh.
Thurt Neach-labhairt a’ Chomhairle nach e iadsan a bhios a’ cur Pròis Òbain air dòigh agus gu bheil a’ Chomhairle “a’ comharrachadh agus a’ brosnachadh co-ionannachd, iomadachd agus ion-ghabhalachd ann an Earra-Ghàidheal agus Bòd agus mar sin a’ cur taic ri amasan Pròis Òbain”.
• • •
Eilean Mhanainn: Gairm airson riaghailt “àrsaidh” a bhios a’ toirmeasg fireannaich gèidh bho bhith a’ toirt seachad fala atharrachadh
Tha an cleasaiche Mhanainneach, Joe Locke, air gairm airson an riaghailt “àrsaidh” a bhios a’ toirmeasg fireannaich gèidh bho bhith a’ toirt seachad fala atharrachadh.
Bha Locke, a bhios a’ nochdadh san t-sreath Netflix mòr-chòrdte Heartstopper, a’ bruidhinn ann an teachdaireachd bhideo aig Pròis Eilean Mhanainn Disathairne.
Ann an Eilean Mhanainn, tha fireannaich gèidh toirmeasgte bho bhith a’ toirt seachad fala ma tha iad air a bhith ri feise le fireannach eile anns am bliadhna mu dheireadh.
Ann an Alba, agus an còrr dhan Rìoghachd Aonaichte, tha fireannaich toirmeasgte bho bhith a’ toirt seachad fala ma tha iad air a bhith ri feise thòineach le cèile ùr anns na trì mìosan mu dheireadh.
• • •
Èirinn: Tar-bhoireannaich toirmeasgte bho rugbaidh nam ban
Tha Aonadh Rugbaidh na h-Èireann (IRFU) air casg a chur air tar-bhoireannaich bho bhith a’ cluich rugbaidh nam ban.
Bidh tar-fhireannaich fhathast comasach air cluich airson sgiobaidhean fireannach ach feumar cead sgrìobhte agus measadh cunnairt mus cluich iad.
Tha seo a’ tighinn as dèidh gun do chur Aonadh Rugbaidh Shasainn (RFU) casg air tar-bhoireannaich am mìos seo chaidh.
Tha tar-bhoireannaich cuideachd air a bhith toirmeasgte bho bhith a’ cluich gu h-eadar-nàiseanta bho chionn 2020.
• • •
Sasainn: Tar-bhoireannaich toirmeasgte bho rugbaidh nam ban
Tha Aonadh Rugbaidh Shasainn (RFU) air casg a chur air tar-bhoireannaich bho bhith a’ cluich rugbaidh nam ban.
Bhòt a’ chomhairle 33 an-aghaidh 26 airson am poileasaidh ùr a thèid a chur an gnìomh aig toiseach an ath-sheusan.
Tha am poileasaidh ùr ag ràdh nach fhaod ach boireannaich le dearbh-aithne gnè a tha co-ionann ris an gnè a chaidh a bhuileachadh orra nuair a rugadh iad cluich airson sgiobaidhean boireannach.
Gu ruige seo, bha tar-bhoireannaich air am measadh mar phearsachan air leth gus co-dhùnadh nam biodh iad comasach air cluich airson sgioba boireannach.
Tha am poileasaidh cuideachd ag ràdh gum faod tar-fhireannaich fhathast cluich airson sgiobaidhean fireannach ach gum feumar cead sgrìobhte agus measadh cunnairt mus cluich iad.
Dh’aontaich Lìg Rugbaidh Shasainn (RFL) ris na riaghailtean ùra cuideachd. Thèid an cur an gnìomh san Lùnastal agus nì iad ath-sgrùdadh orra san t-Samhain 2024.
Tha tar-bhoireannaich cuideachd air a bhith toirmeasgte bho bhith a’ cluich gu h-eadar-nàiseanta bho 2020.
• • •
Dithis air am marbhadh agus 21 air an leon ann an losgadh an Oslo
Bha dithis air am marbhadh agus 21 air an leòn as dèidh mar a chaidh losgadh orra ann an ionnsaigh faisg air taigh-seinnse LGDT+ ann an Oslo tràth Disathairne.
Thàinig an losgadh beagan uairean a thìde ro thoiseach Pròis Oslo.
Tha fireannach, 42, à Iòran an grèim aig na Poileas is e fo-chasaid ceannairceachd.
• • •
Pòsadh aon-sheòrsach an Eaglais na h-Alba
Bhòt Àrd-sheanadh Eaglais na h-Alba ann an Dùn Èideann an-diugh airson pòsaidhean aon-sheòrsach a cheadachadh.
Bhòt buill an Àrd-sheanaidh 274:136 airson lagh na h-eaglaise atharrachadh gus am bi ministearan comasach air cupail aon-sheòrsach a phòsadh ann an eaglaisean ach chaidh a dhèanamh soilleir ge-tà nach tèid toirt air ministear sam bith a dhèanamh.
• • •
Cuairt-litir #2
Geàrr-chunntas sgrìobhte de naidheachdan LGDTCEN+ ionadail, nàiseanta ‘s bho air feadh an t-saoghail.
Safe to Be Me
Chuir Riaghaltas na Rìoghachd Aonaichte dheth a’ cho‑labhairt LGDT+ aca as dèidh do chòrr is 100 buidheann ainmeachadh nach biodh iad an làthair air sàilleibh co‑dhùnadh na Riaghaltas gus pearsachan tar‑ghnèitheach fhàgail a‑mach à phlanaichean gus casg a chur air teiripe iompachaidh.
Barrachd fhiosrachaidh
- Pink News: Tories’ flagship LGBT+ conference cancelled in embarrassing blow amid conversion therapy row
- Gay Times: Government cancels LGBTQ+ conference after boycott over ‘conversion therapy’ ban U-turn
- Openly: UK cancels global LGBT+ conference over trans conversion therapy dispute
Spòrs nam Ban
Thuirt am Prìomhaire, Boris Johnson, nach bu chòir do thar‑bhoireannaich fharpais ann an spòrs nam ban.
Barrachd fhiosrachaidh
- Sky News: PM says ‘biological males’ should not compete in female sport and venues should have women only spaces
- Pink News: Boris Johnson schooled by actual athletes over ‘backwards’ views on trans people in sport
- Openly: Transgender women should not compete in female events – British PM
Rothaireachd Bhreatainn
Tha Rothaireachd Bhreatainn, buidheann‑riaghlaidh rothaireachd Bhreatainn, air casg a chur air pearsachan tar‑ghnèitheach is neo‑bhìnearaidh bho fharpaisean gus an dèanar ath‑sgrùdadh air na poileasaidhean aca.
Barrachd fhiosrachaidh
- Pink News: British Cycling suspends trans and non-binary cyclists from competitive racing
- Attitude: British Cycling stops trans and non-binary athletes from competing pending a review
San Marino
Ann an San Marino, chaidh Paolo Rondelli a thaghadh mar a’ chiad cheann-stàite LGDT+ san t‑saoghal.
Barrachd fhiosrachaidh
- Pink News: World’s first LGBT+ head of state elected in San Marino, one of the oldest nations on earth
- Openly: Twitter
• • •
Riaghailtean nas fhosgailte a thaobh fala a thoirt seachad an Èirinn
Tha Seirbheis Fala na h-Èireann air na riaghailtean a thaobh fala a thoirt seachad atharrachadh.
Bho 28 Am Màrt bidh fireannaich gèidh is dà-sheòrsach comasach air fuil a thoirt seachad as dèidh ceithir mìosan gun a bhith ri feise le fireannach eile an àite a bhith a’ feitheamh bliadhna gu lèir.
Thathar an dùil gun tèid na riaghailtean atharrachadh a-rithist nas fhaide den bhliadhna gus an dàil a chur às gu tur agus measadh a dhèanamh air gach tabhartaiche fa leth gus faighinn a-mach ma tha iad comasach air fuil a thoirt seachad.
• • •
Co-chomhairleachadh air Bile Ath-leasachadh Aithneachadh Gnè (Alba)
Tha Comataidh Co-ionannachd, Chòirichean Daonna agus Ceartais Chatharra (EHRCJ) airson do chuid bheachdan air Bile Ath-leasachadh Aithneachadh Gnè (Alba) a chluinntinn.
Atharraichidh Bile Ath-leasachadh Aithneachadh Gnè (Alba) Achd Aithneachadh Gnè 2004 a th’ ann an-dràsta gus slatan-tomhais ùra a thoirt a-steach airson daoine a tha ag iarraidh Teisteanas Aithneachadh Gnè.
Nuair a gheibh neach tar-ghnèitheach Teisteanas, tha e a’ ciallachadh gu bheilear gan aithneachadh gu laghail sa ghnè a ghabh iad agus gum faod iad teisteanas-breithe ùr fhaighinn leis a’ ghnè sin air.
Tha e fa-near dhan Bhile:
- An riatanas mu fhianais-leigheis a thoirt air falbh
- Am Pannal Aithneachaidh Gnè a thoirt air falbh bhon phròiseas. Thèid iarrtasan a cur na àite gu Àrd-neach-clàraidh na h-Alba.
- An ùine a dh’fheumas tagraichean mairsinn sa ghnè a ghabh iad bho dhà bhliadhna gu 3 mìosan
- Ùine-chnuasachaidh riatanach de 3 mìosan a thoirt a-steach
- An aois as lugha do thagraichean a lùghdachadh bho 18 gu 16
- Uallach ùr a chur air an Àrd-neach-chlàraidh aithisg a thoirt gach bliadhna mu àireamh nan tagraichean airson nan Teisteanasan agus an àireamh a bhuilichear.
Nam bu toigh leat pàirt a ghabhail sa cho-chomhairleachadh, thèid iarraidh ort, an dara cuid:
Suirbhidh ghoirid mu phrionnsapalan coitcheann a’ Bhile a lìonadh a-steach
Do bheachdan mionaideach air ullachaidhean sònraichte a’ Bhile a nochdadh;
ach cha leig thu leas freagairt a thoirt air gach pàirt den cho-chomhairleachadh, no na ceistean air fad.
Bidh an co-chomhairleachadh a’ dol eadar 21 Am Màrt agus 13 An Cèitean agus tha barrachd fhiosrachaidh ri fhaighinn anns a’ Ghàidhlig no a’ Bheurla an-seo.
• • •
Cuairt-litir #1
Geàrr-chunntas sgrìobhte de naidheachdan LGDTCEN+ ionadail, nàiseanta ‘s bho air feadh an t-saoghail.
Liz Truss
Ann an òraid do Cho-labhairt a’ Phàrtaidh Tòraidheach ann am Blackpool Disathairne, thuirt Liz Truss, Ministear airson Boireannaich agus Co-ionannachd, gum bu chòir dhan chogadh ann an Ucràin crìoch a chur air deasbadan “gòrach” mu dheidhinn riochdairean.
Banachdach HIV
Tha deuchainnean clionaigeach air trì banachdaichean HIV air tòiseachadh anns na Stàitean Aonaichte.
Chaidh na banachdaichean a leasachadh le Moderna agus tha iad stèidhichte air an teicneòlas mRNA a chleachd iad airson a’ bhanachdach COVID-19 aca.
• • •
Fèise-pròise na Gàidhealtachd 2022 ga ainmeachadh
Tha Highland Pride air ainmeachadh ann am post air an làrach-lìn aca gun tèid tachartas pròise na bliadhna seo a chumail Disathairne 11mh latha dhen Ògmhios.
Bha tachartasan ann an 2020 agus 2021 air an cur dheth ri linn a’ choròna-bhìoras.
Dh’ainmich iad cuideachd gu bheil iad air maoineachadh de £10,000 a ghlacadh bhon Chrannchur Nàiseanta airson an tachartas a chur air dòigh.