Dùbhlan laghail do Riaghaltas na RA air ainmeachadh
Dh’ainmich Prìomh-mhinistear na h-Alba, Humza Yousaf, gu h-oifigeil an-diugh gun dèan Riaghaltas na h-Alba dùbhlan laghail an-aghaidh Riaghaltas na RA mun cho-dhùnadh aca bacadh a chur air ath-leasachadh gnè an Alba.
Chaidh am bile, a dhèanadh e nas fhasa do dhaoine thar-ghnèitheach teisteanas aithneachadh gnè fhaighinn, tro Phàrlamaid na h-Alba san Dùbhlachd ach chleachd Westminster Earrann 35 de dh’Achd na h-Alba gus stad a chur air bho bhith a’ faighinn aonta rìoghail.
B’ e seo a’ chiad turas a-riamh gun deach an earrann seo a chleachdadh bho chaidh Pàrlamaid na h-Alba a stèidheachadh.
Fàg beachd
Ma tha beachd agad mun a' phost seo, faodaidh tu a chur thugam air Mastodon, Threads, Instagram, no Twitter.