Proposition 8 a’ caill taic ann an California
Tha cunntas-bheachd ùr a’ sealltainn gu bheil Proposition 8 a’ caill taic ann an California.
Bha briathrachas an tagraidh air a dheasachadh san t-Iuchar
Mus deach a dheasachadh thuirt an tagradh gun tèid Bun-reachd Chalifornia atharrachadh gus nach biodh ach pòsaidhean eadar fireannach agus boireannach dligheach no aithnichte ann an California ach tha e ag ràdh a-nis gum tèid Bun-reachd Chalifornia atharrachadh gus cur às dhan còir aig càraidean aon-sheòrsach a phòsadh.
Mus deach a dheasachadh bhòt 42% de dhaoine ann an cunntas-bheachd gum biodh iad a’ bhòtadh airson Proposition 8 agus bhòt 51% na aghaidh.
Ach tha an cunntas-bheachd ùr a’ sealltainn gun do bhòt 38% air a shon agus 55% na aghaidh.
Thèid Proposition 8 air beulaibh luchd-bhòtaidh ann an California an ath-mhìos.
Fàg beachd
Ma tha beachd agad mun a' phost seo, faodaidh tu a chur thugam air Mastodon, Threads, Instagram, no Twitter.