Ben Hunte air a chur an dreuchd mar a’ chiad neach-naidheachd LCDT a’ BhBC

Tha BBC News air an neach-naidheachd BBC Afraga, Ben Hunte, ainmeachadh mar a’ chiad neach-naidheachd LCDT aca.

Bidh e ag aithris air “sgeulachdan, cùisean agus deasbadan a’ buntainn ri feisealachd agus gnè” agus a’ dèanamh mion-sgrùdadh air cùisean a bheireas buaidh air coimhearsnachd LCDT an Rìoghachd Aonaichte.

An-dràsta tha e na phreasantair a’ phrògraim What’s New? – a ‘chiad phrògram telebhisean agus seirbheis dhidseatach aig a’ BhBC airson clann ann an Afraga.

Rè seusan Gay Britannia a’ BhBC ann an 2017, bha e na phreasantair a’ phrògraim The Ben Hunte Interviews air BBC Radio 4 anns an do rinn e agallamhan le sreath de dhaoine ainmeil leithid Paul O’Grady, Stephen K. Amos, Peter Tatchell, Ruth Hunt, Linda Riley agus Calum McSwiggan.

Tòisichidh e air a dhreuchd ùr anns an Fhaoilleach.

Dh’ainmich Mgr Hunte an naidheachd air Instagram ag ràdh:

“Tha mi cho toilichte a bhith na chiad neach-naidheachd LCDT a’ BhBC agus chan urrainn dhomh feitheamh gus innse sgeulachdan cudromach.”

View this post on Instagram

A post shared by Ben Hunte (@beninldn)

Fàg beachd

Ma tha beachd agad mun a' phost seo, faodaidh tu a chur thugam air Mastodon, Threads, Instagram, no Twitter.